da-DKkl-GL

Nutaarsiassat

Volleyball-imi SGM 2017

SGM 2017 ASSIT - ASSIT 1 ASSIT 2

Ukioq manna inersimasut 2017 -imi pissartanngorniuunnerat naammassivoq, naammassilluarpoq. Aajukualu inerneri.

Tallimanngormat 14. april 2017 unammersuaarnerit naammassipput, aajukualu inissinneri.

Assinik kingusinnerusukkut ilisiumaarpugut.

Arnat:

  1. GSS, Nuuk pissartanngorpoq
  2. PVN, Nuuk tullersortitut inissippoq
  3. AVI, Maniitsoq pingajuattut inissippoq
  4. IVK, Ilulissat sisamaattut inissippoq

Angutit:

  1. AVI Maniitsoq pissartanngorpoq
  2. GSS, Nuuk tullersortitut inissippoq
  3. KT-VI, Kangaamiut pingajuattut inissippoq
  4. PVN, Nuuk sisamaattut inissippoq

Ukioq mannalu 2017 -imi Allstars-it ima inissipput:

Arnat:

  • Serve-llammak: Belinda V. Lange PVN
  • Sinaani saassussillammak: Paninnguaq Larsen PVN
  • Kivitsillammak: Nuka Pape PVN
  • Qeqqani saassullimmak: Ivalo Frank Hansen
  • Sinaani / Komp: Tina Nikodemussen PVN
  • Illersuillammak: Hanne Siegstad GSS
  • Ukioq manna piginnaanilik: Nunnu Kreutzmann AVI
  • Finale-mi unammillammak: Bolethe S Egede
  • Ukioq manna unammillammak: Paninnguaq Larsen PVN

Angutit:

  • Serve-llammak: Ujuaannsinnguaq Kreutzmann KT-VI
  • Sinaani saassussillammak: Klaus Egede AVI
  • Kivitsillammak: Michael Lennert GSS
  • Qeqqani saassussillammak: Anguti Kristiansen
  • Sinaani / Komp: Nukappianngiaq Fontain GSS
  • Illersuillammak: Daniel Lyberth GSS
  • Ukioq manna piginnaanilik: Henrik Martinsen KT-VI
  • Ukioq manna arsallammak: Klaus Egede AVI

Ukioq mannalu qujanaq peqataasunut, aappaangu Nuummi takoqqikkumaarpugut. 

-------------------------------------------------------------------------------------------------o0o-------------------------------------------------------------------------------------------------------------------

14.april 2017 unammersuaarnerit naammassilerput, ullup qeqqanullu (12:00) Bronze-nnanniuunnerit arnani angutinilu aallartissapput. Arnani: AVI, Maniitsumiit unammissallungit, IVK, Ilulissaniit. Angutini Bronze-nnanniuutissapput KT-VI Kangaamiuniit unammissallungit PVN Nuummeersut.  Finale nal. 14:00 aallartissooq, tassani arnani GSS, Nuummiit unammissallungu PVN aamma Nuummeersoq. Angutini Finale na. 16:00 aallartissapput, tassani unammissapput GSS Nuummiit aamma AVI Maniitsumiit.

-------------------------------------------------------------------------------------------------o0o-------------------------------------------------------------------------------------------------------------------

Ukioq manna SGM Volleyball 2017 aallartilluarpoq, qanittumi aammaanersiorneq ingerlanneqarpoq naak IVK Ilulissaaniit, unammersuaarnermilu dommeriusussat nuummiit suli tikinngikkaluartut ammaanersiorneq ingerlanneqarpoq, aqangulu sila ajunngeriarpat tikinniissat ilimangivagut.

Ukioq manna inersimasuni volleyballimik unammersuaarnissaat Maniitsumi 11. - 14. april 2017 ingerlanneqassaaq.  Uani unammersuaarnermi kampprogrammi aasinnaavat: Tooruk

Arnani peqataasussat:

AVI, Maniitsoq

GSS, Nuuk

PVN, Nuuk

IVK, Ilulissat

Angutini peqataasussat:

KT-VI, Kangaamiut

AVI, Maniitsoq

GSS, Nuuk

PVN, Nuuk

Pissartanngorniuunnerit ingerlanneqareerpata inersimasut arnat angutillu nunanut allanut unammisartutut toqqagaasimasut, aasamut Gotlandimi Island Gameseqarnissaanut peqatasussat, sungiusartinneqassapput.

Inersimasut nunanut allanut unammisartut sungiusarneraniit

Ulluni 24, 25, 26. februar 2017 inersimasut Nuummi inussivimmi sungiusartinneqarput, tassanilu akuutinneqarput U-16 nivissat, nukappissallu. Nunanut allanut unammisartussat unammisartussat toqqagaagallarnikkut nNaapisinneqarneranut pissutaavoq martsip aallaqqaataatinnangu aasamut Gotlandimi Island Gamesimut peqataasussasuni toqqaanissaq.

U-16 -it peqataatinneqarneranut pissutaavoq, taakkua akornanni aasamut unammersuaarnissamut peqataanissamut piukkunnartoqarnersoq aammalu ikaarsaariartitsinermi piukkunnaateqartunik peqarnersoq. Katerisimaarnermilu malunnarsivoq U-16- it niviarsiarartaat piukkunnarseriivissimasut, sulili inersimasuni peqataanissaminnut ilinniangassaqangaatsiarput aammami inuusoqingamik, taamaattorli arnani peqataasussat U-16-nit ilaneqarput. 

Makkualu aasamut peqataasussatut toqqagaapput:

Arnani:

Marianne Kreutzmann, Paninnguaq Larsen, Bebiane V. Johansen, Ivalo Frank Hansen, Nuka Pivat, Nuka Pape, Nunnu Kreutzmann, Aviaaja Kreutzmann, Eufinia Kreutzmann aamma Paninnguaq Lynge

Angutini:

Anguti Kristiansen, Jens Jørgen Petersen, Julian Pape Kofoed, Klaus Egede, Markus Maratse, Nukappiannguaq Fontain, Ole Karl Kreutzmann, Peter Rosing, Pilutaq Lundblad, Søren Kreutzmann

U12 aamma U14 Maniitsumi 14-16. maj 2016 Pissartanngorniuunnerat

U12 aamma U14-nit niviarsiaqqani unamminerit ima inerneqarput:

Mikinerni pissartanngorput: AVI hold 1, Maniitsumeersut, GSS, Nuummeersoq nr. 2-nngorpoq, kiisalu AVI hold 2 nr. 3-nngorluni.Anginerni U14-nini pissartanngorput AVI hold 1, Maniitsumeersut, CIF-70 hold 2, Qasigiannguit, nr. 2-nngorput, kiisalu CIF-70 hold 1 aamma Qasigiannguaneersut nr. 3-nngorput.

Unammisut sinneri ima inissipput:   

Nr. 4 AVI hold 2 Maniitsoq

Nr. 5 IVK 2 Ilulissat

Nr. 6 GSS Nuuk

Nr. 7 IVK 1 Ilulissat

Nr. 8 IVK 3 Ilulissat

Unammersuaarnerit naammassimmata nukarlerni aamma anginerni Allstars-inik toqqaasoqarpoq, makkualu toqqarneqarsimapput:  

U12 niviarsiaqqat: Allstars 2016

Pernille Lyberth AVI hold 1, Dina Marie Josefsen AVI hold 1, Benigne Cortzen aamma Pipaluk Kreutzmann tamarmik GSS-meersut.

U14 Allstars 2016 Milan Meincke GSS, Nunnu Kreutzmann AVI hold 1, Paarnannguaq Samuelsen CIF-70 hold 1, kiisalu Erena Danielsen CIF-70 hold 2.   

              

U16 –nini Allstars 2016

Nukappissat: Hans-Henrik Lyberth AVI hold 1, Helge Larsen AVI hold 1, kiisalu Rene Berthelsen IVK

Nivissat: Ayla Løvskov IVK, Aila Guldager AVI hold 2 kiisalu Margit Zeeb AVI hold 1

Naggataagullu Kattuffimmiit qutsavigerusuppangut AVI-mi ikiuuttut, Eskiman U16-inut tapersiineranut, kiisalu Rene Design U12 aamma U14 tapersermangit.                                                                                                                             --------o0o--------                                                                                                Ullumikkut arfininngornermi majip 14-ani unamminissat kinguaattoorlutik aallartissapput unammiat Ilulissaniit aamma Qasigiannguaniit silap ajornera pissutingalugu Ilulissaniit ipparsarli aallarneq ajuleqqangamik, ullumikkullu arfininngornermi tikittussanngorlutik. Taamaattumik unammersuaarnerit pingasunut aallartittussatut aaqqinneqarput. Aqangu arfininngornermi maj-ip 14-aniit majip 16-at 2016 ilanngullungu Maniitsumi U12 aamma U14 niviarsiaqqat pissartanngorniuutissapput, makkulu klubbit peqataatitaqassaput. Mikinerni U12: AVI 1 aamma AVI 2 Maniitsoq, GSS Nuummeersoq. Anginerni U14: IVK 1, IVK 2 ,IVK 3 Ilulissaniit, CIF-70 1 aamma CIF-70 2 Qasigiannguaniit, GSS Nuummeersoq Niviarsiaqqat imminnut unammiuaassapput Pinsellu aappaani majip 16-ani 2016 angusarissaarnerit ajungaaniuutivissapput. Uanilu unammersuaarnermi programmi aasinnaavat: Program   Unammersuaarnerup ingerlanerani Facebook-ikkut malinnaatitsisoqarumaarpoq, unamminerillu inerneri aamma saqqummiunneqartarumaarlutik.

U16 MANIITSOQ 2016

Ukioq manna U16 pissartanngorniuunnerat nivissani nukappissanilu Maniitsumi 07-08. maj 2016 ingerlanneqarpoq. Makkualu klubbit peqataatitaqarput:

Nivissat U16:                               Nukappissat U16:

1: AVI 1                                       1: AVI 1

2: AVI 2                                       2: AVI 2

3: IVK                                           3: IVK

                                                               4: KT-VI

Ullumikkut unamminerit naammassineranni nivissani AVI 1 Maniitsumeersut siuttuungallarput, tulliullutik IVK Ilulissaneersut, kiisalu pingajuullutik AVI 2 Maniitsumeersoq.

Nukappissani IVK Ilulissaneersut siuttuungallarput, tulliupput AVI 2 Maniitsumeersoq, pingajuuppullu AVI 1 Maniitsumeersoq, kiisalu KT-VI Kangaamiuneersut sisamaattut inissikkallarpoq.

Aqangu sapaammi unamminerit ullup qeqqaniit (11:30) ingerlaqqissapput. Imminnut naapeqqereerunik pittaanerit marluk Finale-ssapput (1-2), kiisalu (3-4) Bronze-nnanniuutissallutik. Taakkualu unamminerit pingasunut (15:00) aallartissappt. Ullumikkut unamminerit ilaat naligiiffioqaat, 3-sæt-imilu unammeqqittariaqartarput ajungaasussat   nassaariniarlugit.  

 

U16 sapaat 08. Maj 2016 - Maniitsoq

 

Ullumi sapaammi imminnut unammeqqinnerminni ima point-it agguataarneqarput:



Nivissani:            AVI 1      8 point           Taamaalillutik nivissani AVI 1, Maniitsumeersoq IVK

                              IVK         4 point           Ilulissaneersoq Finale-mi unammivaat. Tassani AVI 1

                              AVI 2      0 point          IVK-mut 2-0 – imik ajungaavoq, pissartanngorluni.

                                                                     Nivissanilu nr. 3-nngorput AVI 2 Maniitsumeersoq.                                               

Nukappissat:     AVI 1        10 point        Nukappissani siulliutik unammipput AVI 2 Maniitsu-

                             IVK              8 point       meersut unammillugit KT-VI, tassanilu AVI 2

                             AVI 2           6 point       normu 3-nngorput, KT-VI-ilu normu 4-nngorlutik.

                             KT-VI           0 point                  

                                                                     Finale-mi unammipput AVI 1 Maniitsumeersut aamma

IVK Ilulissaneersut, tassanilu AVI 1 pissartanngorpoq IVK-lu normu 2-nngortoq. Ukioq mannalu

U16-it siullermeerlutik unammersuaarneranni makku Allstars-itut toqqarnerput:

Nivissani: Margit Zeeb AVI 1, Ayla Løvskov IVK, Aila Guldager AVI 2.

Nukappissani: Rene Berthelsen IVK, Helge Larsen AVI 1, Hans-Henrik Lyberth AVI 1.

Taakkua kavaajaasamik Eskiman-imeersunik tunineqarput. Eskiman-imut qujanaq. Ukioq mannalu U16-it Maniitsumi ingerlanneqarneranni ikiuuttunut meeqqanut, dommerinut il.il qujavungut. Unalu KVK-miit aamma nalunaarutigereersinnaavarput sapaatip akunnerata tulliani aamma U14-it unammiuaarnerat ingerlanneqassooq. Taannalu aamma Maniitsumi ingerlanneqarumaarpoq. Taakku itinerusumik ulluni qaninnerni saqqummiukkumaarpagut.

 

Volleyballimi inersimasut Ilulissani pissartanngorniunnerat 2016: Aajuk



Bronze-nanniuuttut

Siulliullutik arnani bronze – nnanniuupput IVK Ilulissaneersoq aamma PVN – tassani IVK 3-0 - imik PVN Nuummeersoq ajungaaffingaat ukioq mannalu inersimasut pissartanngunniuuneranni arnani normu 3 – tut inissillutik.


Angutini bronze-nnanniuupput AVS Sisimiuneersut aamma PVN Nuummeersut, tassani AVS 3 – 0 –imik PVN ajungaaffingaa, ukioq mannalu normu 3 – tut inissillutik.


Finale

Massakkut arnani ajungaaniuutivinneq aallartilerpoq, tassanilu unammissapput AVS Sisimiuneersoq aamma GSS Nuummeersoq. Unammisut massakkut tamarmik sæt-imik ataaseraarput. Pissanganarporlu sæt-ip pingajuat qanoq inerneqarumaarnersoq. GSS massakkut sæt-inik marlunni ajungaavoq AVS suli sæt-imik ataaseraaqqavoq. 

Ukioq manna arnani pissartanngorput GSS Nuummeersut – AVS Sisimiuneersut normu 2 – nngorlutik. Pissartat normu 2-nngortullu KVK-miit pilluaqquangut.





Unammersuaarnerit naammassimmata ima isikkoqarput:

Arnani:                                                              Angutini:

1. GSS – Nuuk                                                   1. GSS - Nuuk

2. AVS – Sisimiut                                              2. IVK - Ilulissat

3. IVK – Ilulissat                                                3. AVS - Sisimiut

 

Unammernerni ullumi angusat - GM Volleyball 2016

Ullumi 25. Marts 2016 unamminerit ima isikkoqarput:


Angutini ima inissipput

 

KLUBBIT

Match

W.G.

L.G

Diff

W.P.

L.P.

Diff.

Points

Pl

1

IVK

 

11

13

-2

371

470

-99

10

2

2

AVS

 

8

9

-1

9

10

-1

6

3

3

KT-VI

 

5

12

-7

399

361

38

0

5

4

PVN

 

8

12

-4

421

461

-40

4

4

5

GSS

 

15

3

12

431

325

106

16

1

 

 

Arnat ima inissipput

 

KLUBBIT 

Match

W.G.

L.G

Diff

W.P.

L.P.

Diff.

Points

Pl

1

IVK

 

10

8

2

387

386

1

6

  3

2

AVS

 

10

10

0

470

463

7

6

2

3

PVN

 

1

15

-14

272

395

-123

0

4

4

GSS

 

15

2

13

416

295

121

12

1



Angutini nal. ullup qeqqanut aallartittumik siulliullutik unammipput PVN aamma IVK – IVK-llu sæt-i sulleq ajungaaffingaat. Unammineq naammassimmat IVK 3-0 - imik ajungaapput. Tulliullutillu angutini unammipput GSS aamma AVS, tassani GSS 3-2 - imik ajungaavoq  – nalunaaqutarlu tallimap qeqqanut aallartittumik unammipput IVK aamma KT-VI, tassanilu KT-VI 3-0 –imik unammersuaarnermi pernaataasumik ajungaavoq. Kingulliup tulliullutik unammipput PVN aamma AVS, tassani AVS 3-0 - imik ajungaavoq. Ullumikkullu kingulliullutik unammipput GSS aamma KT-VI.

 

Ullumikkut arnani siullutik unammipput IVK aamma GSS, tassanilu GSS 3-2 - imik ajungaapput, ullumikkullu arnani kingulliullutik unammipput PVN aamma AVS, tassanilu AVS 3-1 - imik ajungaavoq.

 

Aqangu arfininngornermi nal. 10:00 arnani IVK aamma PVN bronze-nnanniuutissapput, nal. marlunut 14:00 Finale-ssapput GSS aamma AVS.

Angutini nal 12:00 AVS aamma PVN bronze-nnanniuutissapput, kiisalu nal. 16:00 GSS aamma IVK Finale-issapput.

 







Ullumi 24. Marts 2016 angusat ima isikkoqarput:

Arnani unamminermi siullermi IVK aamma PVN unammineranni IVK 3-0 - imik ajungaavoq.

Angutini siulliulutik unammipput GSS aamma PVN, tassani GSS 3-0 - imik ajungaavoq.

Massakkut arnani unammipput IVK aamma AVS, angutinilu KT-VI aamma PVN.

Angutini KT-VI aamma PVN-ip unammineranni PVN 3-0-imik ajungaavoq. Arnanilu IVK aamma AVS unammineranni IVK 3-2-imik ajungaapput.

Ullumikkut arnani kingulliullutik unammipput PVN aamma GSS, tassani GSS 3-0-imik ajungaalluni – ullumikkullu GSS siuttuungallartutut inissisimavoq, tulliungallarput IVK, pingajuullutillu AVS, sulilu unamminermi point-innanngittut PVN kingulliungallarpoq.

Angutini GSS aamma IVK unammineranni GSS 3-0-imik ajungaavoq.

Ullumikkut angutini kingulliullutik unammipput AVS aamma KT-VI, tassanilu AVS 3-0-imik ajungaapput.

Ullumikkut angutini siuttuungallarput GSS, tulliullutik IVK, pingajuullutik AVS, PVN -ilu sisamaattut kiisalu KT-VI kingullertut inissikkallarput. Aqangu angutit imminnut tamarmik unammereerpata takusinnaalissuarput ullumikkut inissisimanerit allannguteqassanersoq.

  

Ippassaq 23, marts unamminermi inernerit ima isikkoqarput:

Arnani unamminermi siullermi PVN Nuummeersoq aamma IVK Ilulissaneersoq unammipput, tassanili IVK Ilulissaneersoq 3-0-mik ajugaavoq. Unamminerup nalaani sæt-ip aappaani PVN-ip IVK angungajaavittarpaa, sæt-imilu kingullermi PVN marluinnarnik ajorsalaarpoq.

Unamminerup aappaani AVS Sisimiuneersoq GSS Nuummeersumut unammivoq, tassani GSS 3-1-imik ajungaavoq, AVS sæt-ip aappaani ajugaagaluarluni sæt-i kingulleq GSS-ip ajungaaffingaa.

Angutini unamminermi siullermi naapittuupput GSS Nuummeersoq aamma PVN aamma Nuummeersoq, tassani GSS 3-0-imik ajugaavoq. Unamminerullu aappaani unammipput IVK Ilulissaneersoq aamma AVS Sisimiuneersoq, tassani IVK 3-1-imik ajugaalluni. Unamminerup pingajuani unammipput KT-VI Kangaamiuneersoq unammillugit PVN Nuummeersoq, tassani PVN 3-0- imik ajungaavoq. Unamminerup sisamaani unammipput IVK Ilulissaneersoq unammillungit GSS Nuummeersoq, tassani GSS 3-0-imik ajungaavoq. Martsillu 22-ani unammineq kingulleq AVS-imit aamma KT-VI-mit ingerlanneqarpoq, tassani AVS 3-0-imik ajungaavoq.

Ullumi martsip 23-ani unamminerit aallartereerput massakkullu unammipput arnani IVK Ilulissaniit unammillungit AVS Sisimiuneersoq. Angutini siulliullutik unammipput IVK Ilulissaniit aamma PVN Nuummeersoq.

Inersimasut Ilulissani pissartanngunniuunnerat 2016

Ukioq manna inersimasut pissartanngorniuunnerat Ilulissani ingerlanneqarpoq, makkualu klubbit peqataatitaqarput:

Arnani:                                                                               Angutini:

IVK Ilulissat                                                                         IVK Ilulissat

AVS Sisimiut                                                                       AVS Sisimiut

GSS Nuuk                                                                           GSS Nuuk

PVN Nuuk                                                                           PVN Nuuk

                                                                                            KT-VI Kangaamiut



Unammisaqattaarnerit aallartipput ullumi 22. marts 2016, tassani angutini unammeqqaarput GSS Nuuk aamma PVN Nuuk.

Arnani unammeqqaassapput IVK Ilulissaniit unammissallugit PVN Nuummeersoq. Taakkualu nalu-naaqutaq 18:15 aallartissapput.

Meeqqat niviarsiaqqat U16 Danmarkimut pernaammik unammialersut

Meeqqat U16-nit tallimanngorpat januarip 15. januar 2016 Danmarkimut pernaataasumik nunatsinniit Volleyball-timik  unammialerput. Siullermik arfininngornermi 16. januar 2016 Ishøj-mi pingasukkaarlutik unammeqattaassallutik, kiisalu sapaammi 17. januar 2016 Årre-mi ungdomsstævnimut arfninilikkaarlutik unammeqattaarnernut peqataassallutik.

Nivissat ataasinngornermi 18. januar 2016 nunatsinnut utissapput.

Uani sapaammi unammeqattaarnissaat takusinnaavat: aajuk

Nivissat angalaneranit: Aajuk

Nivissat Pokalfestivalimut peqataaneranik: Aajuk

Unamminermi inernerit Ishøj: Aajuk

Assit unamminermit:

Sinniisut aallartitat ataatsimiinneranni ileqqorissaarnissamut malittarisassaq akuerineqarpoq

Kalaallit Nunaanni Timersoqatigiit Kattuffiat arfininngornermi novemberip arfineq aappaanni Nuummi ataatsimeersuarpoq. Timersoqatigiillu Kattuffianiit siulersuisut siunnersuuteqarput Kalaallit Nunaanni Timersornermi Ileqqorissaarnissamut malittarisassanik. Ileqqorissaarnissamik pingaartitatut saqqummiunneqartut makkuupput:

 

Kapitel 1: Timersortartunut ileqqorissaarnissamut atatillugu toqqammavissat

Kapitel 2: Sungiusaasunut ileqqorissaarnissamut atatillugu toqqammavissat

Kapitel 3: Dommerinut toqqakkatullu peqataatitaasunut ileqqorissaarnissaannut atatillugu toqqammavissat

Kapitel 4: Siulittaasunut timersornermillu sullissisoqarfinni sulisunut ileqqorissaarnissamut atatillugu toqqammavissat

Kapitel 5: Isiginnaartunut tapersersuisunullu ileqqorissaarnissami toqqammavissat

Kapitel 6: Meeqqanut inuusuttuaqqanullu 15-it tikillugit ukioqartunut ileqqorissaarnermi toqqammavissat

 

Siunnersuutigineqartoq kattuffiit aallartitaannit tamanit akuerineqarpoq. Uagullu kattuffik sinnerlugu ilaasortaatitavut kajumissaaginnarsinnaavagut Ileqqorissaarnissamik malittarisassat atuallaqullugit.

 

Ileqqorissaarnissamik malittarisassaq atuarniarukku una tooruk: Aajuk 



Volleyball-timik nuannarisalinnut paasissutissaq

Nittartangarput massakkut allanngortiterparput. Massakkullu nutaamik nittartangaliorpungut piareeriarpallu atorsinnaaleqqikkumaarpoq. Iserfingalungu qimerluualaarsinnaavarsi paasissutissallu qanoq ingerlasoqarneranik tassani atuarsinnaavai – massakkut tamakkiisumik naammassineqanngikkaluarpoq kisiannili iserlusi qimerluualaarsinnaavarsi.

Ukioq manna 2015-mi poorskikkunni nuummi inersimasut unammersuarnissaat piffissami 01. april 2015 - miit 05. april 2015-ni  ilanngullungu.ingerlanneqassooq. Ukualu peqataassapput:

Peqataasussat: Arnat:

            AVS, Sisimiuniit

            GSS, Nuumminnganniit

            kiisalu ukioq kingulleq pissartaasut PVN Nuumminngaanniit

 

                          Angutit:

            GSS 1, Nuuk

            GSS 2, Nuuk

            PVN, Nuuk

            AVI, Maniitsoq

            TVK, Tasiilaq

 

Uani SGM 2015 programmi aaneqarsinnaavoq - S GM 2015

 

Ajoraluartumik arnani IVK piffissaq kingulleq atorlungu peqataasinnaanani nalunaarpoq, taamaalluni arnani peqataasussat pingasuinnanngorlutik. Neriuppungullu aappaangu klubbit nutaat marluk peqataasinnaajumaartut, taassaappullu: Uppik Volley, Qaqortumeersoq ukioq manna aallartittoq, kiisalu IVC Qaanami Inughuit Volleyball Club siorna aallartittoq. Kattuffimmiillu neriuutingaarput ukiuni tulliuttuni klubbit nutaat imal. pioreersut aamma takkutalerumaartut.

Aallartinniarluni eqqarsaateqaraanni kattuffik malittarisassaliornissamut immersoriaannarnik peqarpoq taannalu uani aaneqarsinnaavoq una toorlungu

Inersimasut 2015-imi unammersuaarneranni arnani angutinilu angusat ima isikkoqarput:

Arnani:                                                                                    Angutini:

1. GSS nuummeersut                                                             1. GSS nuummeersut   

2. PVN nuummeersut                                                             2. PVN nuummeersut

3. AVS sisimiuneersut                                                             3. AVI maniitsumeersut

Meeqqat

Meeqqat unammersuaarnissaat nuummi ingerlanneqassooq ulluni ukunani: 23. - 25. maj 2015, Nuup Timersortarfiani. Niviarsiaqqat U12 aamma U14-it Kidsvolley-mik unammisinneqassapput. Unammersuaarnermilu klubbit makkua peqataatitaqassapput: IVK, Ilulissat, CIF-70, Qasigiannguit, AVI, Maniitsoq kiisalu ukioq manna aaqqissuisut GSS, nuummeersut. Unammisut imminnut marloriarlutik unammisaqattaassapput, pittaanerillu marluk finale-mi unammissapput, pingajuattut sisamaattullu inissittut bronzen-nanniuutissapput. Ulloq kingulleq 25. maj 2015 ajungaaniutivissapput. Mikinerit nalunaaqutaq pingasunut, anginerillu nalunaaqutaq sisamanut ajungaaniuutivissapput. Kiisalu bronzen-nanniuunnerit mikinerni nalunaaqutaq ataatsinut, anginernilu nalunaaqutaq marlunut ingerlanneqassapput. Ataani takuneqarsinnaapput ukioqatigiiaani iligiinnilu sorlerni inissisimanerat.

Ukioqatigiit 2001-2002 (2003) Level 4. – Angajulliit – U14

Ukioqatigiit 2003-2004 (2005) Level 3. – Nukarliit – U12

Unammersuaarnermi programmi uani aajuk

Inersimasut Nunanut allanut unammisartutut toqqangaangallartut sungiusarnerat 2015

Una weekend inersimasuni nunanut allanut unammisartutut toqqagaagallartut Nuummi sungiusaqatigiissinneqassapput. Arnani Morten Funch sungiusaasuuvoq, angutinilu Flemming West sungiusaasuulluni. Kikkulluunnit isiginnaariarnissaminnut periarfissaqarput. Sungiusaqatigiinneq Nuummi Inussivimmi ingerlanneqassooq.

 

Arnat Inussivimmi nalunaaqutaq arfineq marlunut (19:00) sungiusassapput, angutillu Fitness-imi sungiusassallutik.

Isiginnaariarit – ilaqutariinnut volleyball-timik soqutigisalinnut tamanuuvoq, isernerlu akeqanngilaq